Sual vanga lungngaihna
Hla Thu (Lyrics)
Phuahtu: Rodingliana
Satu: C Lalruatsangi
Sual vanga lungngaiin rip chhung thimah tangin,
Ka thla hliam lungngaiin a vai;
Chatuana van nuam chan loh tur thu dawn chu,
Aw, lungngaihna a va thuk em!
Ka sual ritphurh zawng leh lungngaihna kalsanin,
Simin Lal Isua hnenah ka han tlu lut a,
Aw, a khawngaihna mak tak avangin,
Thlamuanna kim ka chang leh ta.
Zing tian khawvar engin zan thim a um bo va,
Khawvel mawina a lo lang a;
Khawdur karah ni eng a lo lang thin ang hian,
Ka thinlung thim a kiang zo ta.
Thim leh eng an cheng za thei lo,
Sual leh tha pawh chutiang a ni;
“Beliar leh Krista pawhin eng nge inngeihna an neih?
An zing a ta lo chhuak ula, a hrangin awm rawh u,”
Tiin Lalpa’n min ko reng e.