Rintlak
Hla Thu (Lyrics)
Phuahtu: Jonathan Lianhna
Satu: Jonathan Lianhna ft Zorema Khiangte & Uncle Joe
Hringmi kum chhiar danah nau keng tlak tawh lo Sari Lalpa’n Isaka a pe,
Ni li lai thlan chhunga phum tawh Lazara pawh Isua’n nungin a kaitho..
Hei hi a ni, Kan Lalpa hian, tlai luat a nei ve love,
Kan hun liam hnu vangin, kan beiseina te chu chuaiin,
Rahbi thar rah nan khua kan tlai paw’n lang mahse,
Kan rin Pathian tan hian tlai luat a awm thei lo, a tlai ngai lo.
Rin tlak a ni, fak tlak a ni
Rin tlak a ni, fak tlak a ni.. Ooo
He khawvel mite thlir dana tling lo,
Mahse, tlinglote tlinna Krista chuanin min ko,
Ka zamlo, ka phang lo, ka lei do, hnehna Lalpa ta a ni,
Thihna thlan thim a hneh ka hmahruaitu,
Kilhna thirkhen a ni ka hlado chu,
Min vengtu Lalpa’n min thlahthlam/kalsan ve ngai lo ve..!
Jona tawngkam khat pawh Lalpa’n hriak a thih chuan Ninevi tan simna a tling,
Tawng hmang thiam lo Mosia pawh Lalpa’n a hman chuan hruaitu ropui a ni thei,
Hei hi a ni, kan Lalpa tan, hman tlâk loh an awm love,
Kan mizia engpawh hi, a chhia a tha niin, chhuan tur,
Reng nei lo ila sitawm ber pawh lo nise,
Kan rin Pathian meuh hian hman tlak loh a nei lo, a hmang duh che.
Rin tlak a ni, fak tlak a ni,
Rin tlak a ni, fak tlak a ni.
Min vengtu Lalpa’n min thlahthlam ve ngai lo ve,
Rin tlak a ni,
Ka thuruk thim ber pawh hria se,
Rin tlak a ni,
Ka sulhnu zawng zawng pawh hria se,
Rin tlak a ni,
Ka hun kal tawh min hriat sak hnu paw’n min endawng lo ve..!
Rethei, pachhia tan thanthia,
Hnungtawlh hmang tana chakna,
Bawlhhlawh, tawmkailo leh riangvaite tana Pa,
Insit tur kan awm love,
Krista thisenin a tlante,
Beidawn ni thleng thin mahse.
Aw unau, i hliam a tuam dam thei e,
Keipawh ka hliam a dam e;
Beidawng tur kan ni em le,
Nang mi chak huaisen, tho la.
Aw, ka nunna engah nge inkun reng?
Ka chhungah hian engah nge i buai?
I hliam a dam, a dang eng nge i beisei?
Nitin i hnena awm reng a ni a,
Kiltin a hrut, a fang , a awm, a thatna a ngai reng.
En ta che Kross, zawh ta che a kawng,
Eng nge kawng dang i zawn thin?
I tan a fama kraws-ah mi sual tan kawng a hawng,
Krista a awm engah nge i zám thin..?
Rin tlak a ni, fak tlak a ni..
Rin tlak a ni, fak tlak a ni..
Rin tlak a ni, fak tlak a ni..
Rin tlak a ni, fak tlak a ni..Ooo..