Duhaisam Christmas

Hun leh ni te lo her liam zelin,
Sikni eng mawi a rawn her chhuak leh ta;
Chutin lenrual zaleng zawngte chuan,
Lal pian champha lawmin an hlim ngei e,

Mahse, kei zawng mahriak te’n,
Karhla a leng chhailai di;
Ngaiin hlim zai ka vawr thei lo,
Theih zawng nise, bawihte,
Krismas hmandun ve hi, ka duhsam ber a ni.

Chinlai lenrual zaleng zawngte chu,
Chhailai di tang belin an hlim ngei e;
Tudang lengdang an ngai bil lo,
Hlim te’n an leng vel laitual mawiin.

Laikhuam zalin ka dawn vawng vawng a,
Nang nen Krismas hman dun lai ni;
Tunah erawh i hlimthla thlirin,
Awmkhua a har, suihlung a leng ngei e.