Duhthlana Sangber

Dam lai lamtluang ka zawh laiin,
Doral a lian thlemna karah;
Thlarau zawngin peih mahse,
Tisa erawh a chak si lo, 

Mi rethei ka va han ni em!
Tuin nge min chhanchhuak ang le?
Thihna taksa atang hian;
Tih theih dang reng ka nei si lo,
Duhthlanna sang ber hlan mai loh chu.

Aw, tunah lawmin ka khat,
Krista keimahah a nung zawk si;
Thiam loh chan reng a awm tawh lo,
Min tlantu nung anih vangin.

Thlemna thlipui a zual zel ang,
Doral lian Setan ramah hian;
Mahse, himna kulh Krista,
Chatuan nunna ka thlan vangin,
Kumkhuain ka him reng tawh ang a.