A lo her chhuak dawn ta
Hla Thu (Lyrics)
Satu: Roliana Ralte, PC Lalremruati, Zoramchhani & Mizo Vocal Band, H Vanlalhlana, H Lalremruati (Maruati Hnamte), Lallawmawma
Hun leh ni te an her liam zel a,
Sikni eng mawi a lo lang leh ta;
Parmawi tin an vul, sirva lungrual nen,
Lal pian hmuah zai an rel em ni?
En teh, a lo her chhuak dawn ta,
Mitin tana hlimna tur chu;
Fam ngai, khawhar, mangang te Lalpa,
Min hnemin min awmpui ang che.
Hmanah chuan lenrual duh te nen,
Fak hla saa tlai khuavarin;
Hlim ni ral tur ui em emin,
Lal lo piang hlim te’n kan lawm.
Theih chang se, chhungkim lungduh te nen,
Lal piancham lawm ka nuam e;
Suihlung ruala tlaikhua varin,
Thinlai ruk lawm a kim ngei ang.
Mahse, rei lo tea’n i ral leh dawn,
Hringnun khua a har leh ngei dawn;
Nun hlui, kum hlui chang leh mai tur,
Engtikah tawng leh che i maw?
(He hla hi Mizo zaithiam ten an sak dan inanglo a awm hlek hlek thin a, a phuahtu Roliana Ralte in AIR Aizawl station a he hla a record milin kan rawn dah chhuak a, chu chu a dik ber turin kan ngai)