Ka nghilh lo’ng che

Phuahtu: -
Satu:

Phuahtu: K Lalchhuanvawra
Satu: Latei Khawlhring

Tuarna rapthlak tuara nun petu,
Hmuhsitna leh elrelna lamtluang zawhin;
Kraws ram reh nghaka fam lawi turin,
An phiar che maw, Pilat run chhungah,
An phiar che maw, Pilat run chhungah.

Ka nghilh lo’ng che ka tan i tuarna,
Hmangaihna vanga fam i lo chang hi;
A va hlu em, boral mai tur hringfa te,
Chatuan Lal fa kan lo nih tak hi.

Aw, ka thlir thin Kalvari tlang kraws chu,
Hmangaihtu Lal duhawm lungngaiin a au;
A aw rawl thangkhawk khuavel damna,
Ka vuan tlat zel ang, hmangaihtu kraws,
Ka vuan tlat zel ang, hmangaihtu kraws.

Chhandamna ropui min siam sak ta,
Ka rawn pan che, Lalpa, min hruai zel ang che;
Ka hringnun chau leh bawlhhlawh tak hi,
Nitinin min hruai zel fo ang che,
Nitinin min hruai zel fo ang che.