Ka fak ning thei lo
Hla Thu (Lyrics)
Phuahtu: T Laldintluanga
Satu: The Leprosy Mission Choir (2023 – 2025)
Aw mi fel te u, Lalpaah chuan hlimin zai r’u,
Mi dik tan chuan Lalpa fak hi a awm reng a ni;
Tingtangin Lalpa hnenah chuan lawmthu sawi ula,
Perhkhuang hrui sawm neite nen thiam takin zai r’u.
Lalpa chu, aw, ka fak ning thei lo,
Min tlantu a ni, ka thian, ka tan a rinawm si;
Felnaa roreltu a ni,
Aw ka Lal Pathian chu ka fak ning thei lo.
(A tawpna: Lawmin kan fak tawh ang a, aw, chatuan thlengin.)
He khawvel thlaler lungngaihna ram ka pelh hun chuan,
Chatuan hmun van nuam khian kan la chawl ve ang a;
He khawvel nun ngai lo vin tahchuan kan chawl tawh ang,
Lawmin kan fak tawh ang a, aw, chatuan thlengin.
Aw, mi tin te u, Lalpaah chuan hlimin zai r’u,
I vanglai pawh hlobet par ang a chuai dawn a ni;
Aw Pathian, nang fak lo zawng hlimna dang ka hmu lo,
Kan himna lungpui i ni, kan Pathian nung chu.