Par ang

Phuahtu: -
Satu:

Phuahtu: Latei Hringngen
Satu: Latei Hringngen

I dawn lungruk min hrilh zan a,
I hmangaihna biahthu min hlan kha;
Ka tan chuanin kha bak bak kha,
Hlim theihna dan tur a awm tawh lo.

Chutiang zel ni tur chuan ka di bawihte,
Ka kianga awm rengin min hlat lo la,
Kan pahnih chauh paw’n kan hlimin kan par ang,
Kan tan khuavel a mawiin a vul ngei ang.

Zaleng zawngte sirah hnawlin,
Ka tan chauh vul zual zel la;
Ka tiam ang che, kei min neih chuan,
Tu dang reng i ngai tawh lo’ng,
Suihlungrualtein lenlai chen dunin,
Inhal lo te’n, inning lo te’n i par dun ang.

I lunglawm tikimtu lenghermawii,
Ka nih loh chuanin lung a awi lo’ng;
Ka bahsam mawiin sei viau mahse,
I lung ka dum si loh chuan,
Mahse, ka di chuan ti hian min pawm,
Ka tan i awm, ti hian mi dawm,
Ka lunglawm a kim ngei e,
Aw, ka lunglawm a kim ngei e.

Ka thinlung thuchhuaka i hriat duh ber,
Hi lungchimtein lo ngaithla la;
Ih e, i kianga ka bianga min fawh zan khan,
Ka bing mup, ka ning lo, ka kham thei lo.

Chutiang zel ni tur chuan ka di bawihte,
Ka kianga awm rengin min hlat lo la,
Kan pahnih chauh paw’n kan hlimin kan par ang,
Kan tan khuavel a mawiin a vul ngei ang.

Zaleng zawngte sirah hnawlin,
Ka tan chauh vul zual zel la;
Ka tiam ang che, kei min neih chuan,
Tu dang reng i ngai tawh lo’ng,
Suihlungrualtein lenlai chen dunin,
Inhal lo te’n, inning lo te’n i par dun ang.