Danglamlo

Phuahtu: -
Satu: -

Hla Thu (Lyrics)

Satu: Matilda & The Quest

Sualin bo thin mah ila,
A hmangaihna a pangngai reng;
Danglamngailo Lal Isua,
A khawngaihna tunge hril seng ang?

Lungngaiin hun leh ni ka hmang ral,
Hringnun ka vui liam;
Thlamuantu ka tawng lo, ka vai ruai e,
Beidawnna ruamah mahte’n ka zal,
Beiseina eng zawng a tham ral,
Tawp chin nei lova hmangaihtu,
Chhandamtu ngilnei ka chhar ta.

Tling lo leh fel lo tak ka ni,
I hria e, Lalpa, chhuan tur ka nei lo nang lo chu;
I angchhung muanna ka rawn pan e,
Ka sualna zawngte tleng fai la,
Khawngaihin min kuangkuah la,
Ka ngai che, ka duh che, Lal Isu.

Tlang tin, mual tin vel ila,
Ramtinah zawt chhuak ila;
A hmangaihna, a khawngaihna, a ngilneihna,
Hril sen a ni lo, hriat sen a ni lo,
Tuifinriat angin, aw, a zau hle si.

Sualin bo thin mah ila,
A hmangaihna a pangngai reng;
Danglamngailo Lal Isua,
A khawngaihna hril sen a ni lo, hriat sen a ni lo,
Tuifinriat angin, aw, a zau hle si.