Hei ngei hi Lalpa min ruat (Inneih hla)
Hla Thu (Lyrics)
Phuahtu: R Vanlalzauva
Satu: R Vanlalzauva & B Lalremtluangi
Siamtu Lal rorelna angchhungah,
Ka hringnuna lei damchhung zawng a;
Hlim leh lawma ka chenpui ve a’n,
Hei ngei hi Lalpa’n min ruat ngei chu.
Keipawh chutianga Lal ruat thlira,
Dam chhung kawng chhuk chho, hrehawmah leh;
Hlim leh lawma ka chenpui ve a’n,
Kawppui tur Lalpa’n ka tan min hlan.
Hlimin, lawmin kan zai ang Lal fakin,
Aw, keini Lal Pathian samsuih ngei a,
Inneihna hun ropui kan thleng chu,
Siamtu Lal remruat ngei a ni si.
Lalpa, i remruat dodal tur hian,
Khawvel mi te’n min bei vel mahse;
An dang zo chuang lo’ng i rorel chu,
Hnehtu ber Lal Pathian kan nei si.
Chawimawi tlak inneihna min pek chu,
Sual bawiha pil bo leh thi tawh te;
I ram chang tura min nei leh hi,
Damchhungin fakin kan zai zel dawn.
Damchhung hun tawng ropui ber ni chu,
I remruata min hruai thlen vang leh;
Inghahna Lalpa kan neih vang hian,
Thlamuangin kan leng ang damchhungin.