Isua a tap

Phuahtu: -
Satu:

Phuahtu: Kevin Lalcawisang
Satu: Nancy Zothanmawii

Ropui taka Lal ber an chawimawi, mipui ten lawmin an fak kha,
“Lalpa hminga Lal lo kal chu, fakin awm rawh se,” tiin;
Mahse, Isua a lawm rei lo, Jerusalem nihna a hria,
Zawlnei thattu an Lal Isua hnartu anni.

Eng vang nge maw Jerusalem, i Lal i lungngaih tir mai le?
I duhthlan zawk i hrechiang em? in ngaihtuah la;
“Lalpa hminga Lal lo kal chu, fakin awm rawh se,” i tih hun,
A nghak reng che, i Lal lungngai mittui a far.

Lalzara chu thlanah ni li awm tawh mahse, a tho leh a,
“Thawhlehna leh nunna ka ni,” tiin Lal Isua’n a hril;
Mahse, tuma’n an ring zo lo, Isua lungngaiin a tap ta,
Isua rin ngam loh hi Van Lal tahna a ni.

Pathian thu hria, mahse, zawm duh lo, mahni ngaihdan dah sang zawk thin,
Fing leh hriaa inngaihhlutna thinlung tlang sang te leh;
Chhandamna pawh a thlawn tih hria, mahse, thiltiha innghat thin,
Isua tah tirtu lungchhiatna thlentu a ni.