Rose par iangte
Hla Thu (Lyrics)
Phuahtu: Rodingliana
Thal khaw eng riai leh turnipui zungzam,
Zaleng zawng te hlim zai vawrna;
Ka tan erawh awmhar lung min lentu,
Ka ngai em che rose par iangte.
Thamral leh mai atan ka phal nem maw,
I suihlungruk thu di zawng te;
Hlim te’n dar ang lendun leh zai relin,
I hril dun leh ang thu tin di.
Chung turnipui i eng mawia’n,
Suihlung dam ni chhuah pui leh la,
Lung ka duh awmhar min hnemtu,
Rosepar iang te tawn leh ni tur.
Hmanah chuan lungrun kan tiam thu di te,
Ka vawng thin asin suihlungruka’n e,
Hlim te’n dar ang len dun leh ni nghakin,
Ka dawn thin che suihlung dam nan,
Kei chuan e, lungrun, kan tiam thu di te,
Ka vawng thin asin suihlungruka’n e,
Hlim te’n dar ang intawn leh zai relin,
I hril dun leh ang thu tin di.
Suihlung ruala lenlai ni zawng te,
Dawn changin suihlung min lentu,
Rosepar iang te nang chauh,
Run nghah puiah ka thlang ber che dawn lungrukah.