Min hmangaihna ropui (Thanzuali phuah)
Hla Thu (Lyrics)
Phuahtu: Thanzuali
Satu: Priscilla Laldinpuii Fanai
Ka Lalpa, min hmangaihna ropui avangin,
Kei mi sual ber tan lei anchhedawngah;
Van hmun ropuiah i chawimawina kalsanin,
Tlawm takin i lo piang Bethlehema-ah.
Ka Lalpa, min hmangaihna ropui avangin,
Lei mihringah te zinga i chen lai khan;
An nat, lungngaih, mangan tinreng i tih reh sak,
I lei hringnun i hmang zo kan dam nan.
Eng dang reng ka chhuang tawh lo’ng khawvelah,
Hausak, hmingthan, fin leh varna zawng pawh;
I hnena chhuak malsawmna an lo ni,
Ka damna kraws ka chhuang ang, ka Lalpa tuarna.
Ka Lalpa, min hmangaihna ropui avangin,
Lei mihring suahsual mawh zung phur zo vin;
Lungngaihna Gethsemani anchhedawng kraws thlengin,
I lo tuar maw kan tan i nun pein.
Ka Lalpa, min hmangaihna ropui avangin,
Ka nunna hi nangmah fak nan ka pe;
Leiah sual thlipui leh thlemna ral lian mahse,
I buatsaih ram nuamah min hruai dawn si.