Kan mawi tawh lo

Phuahtu: -
Satu:

Phuahtu: Jonathan Hmingthantluanga
Satu: Jonathan Hmingthantluanga

Hmanah chuan nang nen khuahmunah lengin,
Biahthu di kan hlan rinawmna kan tiam a;
Mahse, tawn loh kar tawiteah maw,
Ngaih lungherin lengdang tang i bei leh si.

Kumpuisul veiin hun leh ni liam e,
Nang vanga lunglen kianni awm thei si lo,
Mahte’n ka fang vel ka sul hmun hlui,
Mahriakin e, zun phur val ka kiu vawng vawng.

Ka ngai em che, ka ngai zual che,
Theih zawng nise lam ang lo letin;
Ka tangah ngei duhte’n han bei leh la,
Mahse, lungrun, kir leh hian kan mawi tawh lo.

Damtea tawn ni kawlah loh chhuak e,
Mahse, lungrunpui, biahthu hlan a rem lo;
Lengdang tang pawmin kan leng tawh si,
Chhai leng tawnah rinawmin i leng zawk ang.