I hruai theihin

Phuahtu: -
Satu: -

Hla Thu (Lyrics)

Phuahtu: C Lalzarmawia
Satu: Zorema Khiangte

Ka hringnun hi ka dâwn a kawng zâl leh nuam a awm,
A châng erawh a kawng a chhukchhova;
Mahse, hêng hun zawng hian maw hei hi min hmuhtîr thin,
I mite tâna rinawm Pathian i ni!

Ka nun hi i tân; i tân chauh siam a ni,
Chu ngei chu ka hlut ber fo thin a;
Ka nitin hun hi i tân thianghlim fo se,
I hruai theihin awm i la a tha ber e.

I chenchilh hi ka dîl thin i hruai ka dîl thin che,
Ka thlarau hian a thlahlel ve thin a;
Mahse, hriat loh kâr hian maw ka hlat leh thin che a!
Ka lo hre phâk lo leh thin i aw mawi hi.

Ka hmalam hun zawng pawh hi, Lalpa, nangin nei la
Ka tân i ruat kawng zawha’n min pui la;
Ka hmaa tihtur awm te i mit tlung a tiin,
Ka engkim hi i tân chauh i ropui nân.