Beramno engah chuan

Phuahtu: -
Satu:

Phuahtu: H Ramtharzuali (Thartei)
Satu: H Ramtharzuali (Thartei)

Awmkhuaharin suihlung a leng em mai,
Ka Lal zun ngai reng hian tlai ni ka leng leh thin;
Ka nunna hi, Lalpa, nangmahah tuihalin,
Chawlhna, muanna zawngin a rum vawng vawng thina,
Aw, khawiah nge ka hahchawlhna?

Min hruai kai la then lohna ram Zion,
Hmangaih khawpui thianghlim lunghlu kawngkhar mawi chu,
A ropuina a zam vel ang a,
Ni eng leh khawnvar reng angai tawh ngai lo vang,
Beram no engah chuan.

Theihchang sela ka Chhandamtu kiangah,
Ka lei thuam hlip vekin van thuam ka sin tura;
Mahse, ka lei taksa hian min la dang rih si,
Hlun lo tur lei hringnun, aw, lo ral tawh mai rawh,
Ka Lalpa hnen ka thlen theih nan..

A bo tawh ang lungngaih, hrehawm, buaina,
Tlantu ropui fakin Beramno chawimawina hla mawi ropui sain,
Ropuina zawng zawng te,
Lal ber chu khumtirin kan chawimawi ning lo vang,
A ropui e, haleluia.