Kristian Thalaite u

Phuahtu: Tlangkhama Thluk siamtu: R Lallianzuala
Satu: -

Hla Thu (Lyrics)

Kristian Thalaite u, lungrual takin,
Lalpa tana thawk fo turin;
Hmatiam hlen tumin kan ke pen rualin,
Lal ram i din thar zel ang u.

Thil tha ti atana siama awmin,
Ama kutchhuak kan ni si a;
Chu thil tha tih chu kan awmna turin,
Lalpan a buatsaih lawk a ni.

Kan vanglaini te hi a rei lo vang,
He khawvela kan cham chhung hian;
Chuvangin vanglai hunte hmang thain,
Lalpa tan i thawk zel ang u.

Kan vanglaini hi hlobet par angin,
A par mawina a la chuai ang;
Nakinah Lalpan min hruai hunah chuan
A lo la par vul leh ngei ang.