Kan rawn pan che
Hla Thu (Lyrics)
Phuahtu: Lalhmingmawii Rawihte
Satu: K Vanlallawmi
Thianghlimna van khawpui kan pan lai hianin,
Nun chau beidawngin i kun reng dawn em ni?
I nun thuruk pawh hretu Lalpa tel lo hian,
He khawvel thlahlel hian i tlan zel dawn em ni?
Aw, engtin nge khawpui mawi chu kan thlen ve dawn?
Sakhi luite tui chak thaw huam huam ang hian;
Nunna tuikhur Isu, kan rawn pan a che,
Thlarau thianghlimin min hruai zel rawh.
Unau, i vaihna khua thimin sei mahse,
I sual senduk chu a tithianghlim thei e;
Krawsah i tan nun hlana famta Lal Isua,
A hnenah chan kan neih theih nan kawng min hawn sak.
Hmangaihna hlu leh ropui hi puang zelin,
Nun chau, beidawng leh kawng bo, khup zawi te;
Ban uaithla tawh te mupui anga siam tharin,
Hlim leh thlamuangin nun tharin kan leng dawn si.