Masi zun

Phuahtu: -
Satu:

Phuahtu: Peka Fanai
Satu: Rebecca Lallawmsangi

Vangpui her liam ta, sikni eng lo zam,
Thul mawng kan hai kawrlum kan inbel;
Kar hla lenrual te’n vangkhua rawn mawi e,
Kan nghahhlelh chhung kim ni thleng leh ta.

Hraileng te’n chun leh zua ban vuanin,
Kawrmawi zawngin bazar an hrut vel e;
“Boney M’ lo zai thenawmpa rûnah,
Eng dang a ni lo, Krismas lo thleng leh ta.

Chibai ka buk a che, hlim te’n lo hmang la,
Kan lo hmuak ang che aw, Bethlehem daiah;
Nau piang lawm turin “hawh le” i kal ang,
Kan lo hmuak ang che Krismas putar nen.

Lânu val rual te’n, tlang thing phur turin,
Hreipui an chawi mual an liam sung sung;
Kan run sum tualah, chhang deng thawm lo ri,
Tap chhak belin Zo chhangban kan nghak.

Chul ram leh buk thlam rauh san tawh hnu,
Suihlunglen ti zualtu a chang zel e;
Thinlaiah an thar rual duh fam ta te,
Engdang a ni lo Krismas zun zam a lo ni.

Thlasik kawng mawi te’n zam e, urlawk zan thiang rehah chuan,
Ar kang turin kan rûnah, hlim te’n rualduh kan lawiza;
“Rem thu leng rawh se,” tia zai vawrin,
Murra ianga rimtui duhsakna i tan kan hlan.