Tleitir sakhmeltha
Hla Thu (Lyrics)
Phuahtu: VL Remruata (VL Chhangte)
Thluk siamtu: Mawia Bawitlung
Satu: Vanlalchhanchhuaha
Tuan tul vangin Zawl khawpuia’n tuan zai relin,
Sakhmel hriat loh tleitir lamtluangah dar ang tawngin;
A mawi hluan e zaleng zawng zingah hian,
Ka thinlai lungril a luah khat zo ngei mai.
Hmangaih biahthu hlan loh sakhmeltha,
I chhingmit meng leh kimtlang zawng te an mawi ngei e,
Lanu dang pawh nang chhing zo reng an awm lo,
Theih chang ve se nang nen hlimtein,
Hal lo te’n nang nen laitual len ka nuam e.
Sakhming hriat loh tleitir hmeltha ka vei reng thin che,
I sakhmel leh kimtlangin ka lung an dum ngei e;
Nang ngai hian chhuni leh zankhua ka hmang ral leh thin,
Tuah rem loh tur ngai hian.
Van angel inga duhawm leh hmeltha tleitir tuaite,
Nang nen biahthu di hlanin hal lo te’n lendun ka nuam;
Theih chang ve kan run nuthaiah,
Changin nang nen lendun ka nuam e.
Nang ang renga kan thinlai luahtu an piang tawh lo’ng e,
Lenlai rual loh vanga luah zawh loh tleitiri;
Leng dang tawnah vul mai lo la,
Chutin lei hringnun muangte’n ka hmang ngei ang.
Coda:
Ka suihlung dumtu, luah zawh loh tleitiri.