Adama thlah sual thihna thim hnuaiah hian
Hla Thu (Lyrics)
Satu: Sunpuitute
Adama thlah sual thihna thim hnuaiah hian,
Hnam ze tinrengte tapin an rum;
Kei anga vanduai khawvelah an awm lo,
Ka bung dawntuai vul lai par ang atliak.
Ngaiin ka zua run thangvan ka han thlir a,
Lungngai lusun tahna reng a awm tawh ngai lo;
Kan mi lungduh hmangaih kal tate chuan,
Lawmna par Lalnunnema an bel.
Ka dawn sei ngam lo ka chan tawk khua rel hi,
Eng kan tih ang nge lung ka vai e;
Fam ngai tap min hnem khawvelah an awm lo,
Ka Lal lunghnem lawmna par, nang lo chu.
Buainachhumpui lungngaih fawn zel karah,
Ka thlir hnutiang reng an hawi lo ve!
Hmangaih Lal lenna Zion tlang ropui chu,
Panin tah lai puan ang kan bang tawh ang.
Kei pawh ka dam lai ni a ral ve hun chuan,
Lalna ram mawi chu ka chang ve ang;
Hmangaih kal tate nena tual leng zain,
Beram No hliam hnu zaiin kan awi ang.