A thla hnuai daihlim nuamah chuan
Hla Thu (Lyrics)
Phuahtu: Ralngama
Satu: Saiha Pastor Bial Zaipawl
A thla hnuai daihlim nuamah chuan,
Chhandam fate an la chawl ang;
An hmaa chatuan hlimna chu an hmuh hunin,
An lawm tawh ang a.
An chawl ang an cheng reng tawh ang,
Hmangaihna Lalpa chu fakin;
Chatuan thlengin an hlim fo anga,
A thla hnuai daihlim nuamah chuan.
A thla hnuai daihlim nuamah chuan,
Tah leh lungngaih reng a awm lo’ng;
Sualna thlipui leh thlemna ral lian,
A bang ta khawpui mawiah chuan.
A thla hnuai daihlim nuamah chuan,
Hrehawmna zawng zawng a bo vang;
Nunna tuikhurah chuan inbualin,
Vur aiin an var tawh ang a.
Aw, chu hmuna lengte chuanin,
Khawvel hrehawm an ngai tawh lo;
Van tingtang ri mawi nen van kawtthler an fang rual,
Lal Krista ho vin.