Thlangkhuandim la

Phuahtu: -
Satu:

Satu: Lallianmawia Pachuau

Chhungkim dar ang kan lenna run nuamah,
Kan hlim par vullai ti mawi zuala’n;
Khuanu malsawm rohlu kan tawnah,
Senlai mami i lo piang e.

Mate, ka nau enchimloh,
Lungdamte’n thlangkhuan chu dim la;
I lungdi siang i lawina chu,
I tawnah damlai pialral chang sela,
Khuanu malsawm chang nang che.

Mahte, runlum nuthai i chan hun e,
Kan run in chhung nuihiau par mawi kung hi,
Chhawm zel la e, i lawina siangah,
Hmangaihna par mawi chul dunin.

Mate, dam takin aw, mate, mangtha,
I chun leh zua ka run nghilh lai rel la;
Fanau maltluan chawiin in ruan nuamah,
Khuasei nuthai chang nang che aw.