Lalpan min hmangaihna chu van rangkachak ram kalsanin

Phuahtu: Kaplianchhunga
Satu: Jonathan Lianhna

Lalpan min hmangaihna chu,
Van rangkachak ram kalsanin;
Sual fate min zawng turin,
A tuar Lalpa Isuan.

Lungngaihna thing kraws chu ka tan a pu a,
Chauvin a tlu a;
Kilhna thir khen ka tan a na lua e,
Aw, ka sawi thei lo.

Chenna ngai loh ram fan chu,
Kawr sen leh hling phiar chu khumin;
Hrehawm tinreng tuar zovin,
Beramno, Lal Isua.

Thlir ninawm lo, Lal Isua,
Mi sual tana kraws chu puin,
Kalvari lam chu pan turin,
A chau a ni, ka Lal.

Aw, ka tana tuar zovin,
Kalvari tlang thing kraws chungah;
Ka sual zawng zawng phur chungin,
Min tlan ta, Lal Isuan.