Lungdi ngaih

Phuahtu: -
Satu:

Phuahtu: C Durthanga

Lungdi ngaih luat vanga lunglen,
Bang thei paw’n mawi lo kha;
A tha dawntuai lengdang ka chhar ta;
Ka lairil lunglawm a ti kim zo ngei,
Hei ang lairil fantu an awm lo.

Aw, ka di ka lunglawm tikim zel la,
Kan run chhungah nuthai i chan tlengin aw;
Aw, di hlui leh nunhlui ngaih bang tawh la,
Tuai ang thar lo te’n chul reng rawh se.

Hmanah chuan chhawrthla eng leh,
Chung siar eng zawngte khi;
Ka tan chuan hmelma an chang thin a,
Lenrual zingah pawh ka hawi ngam ngai lo,
Bawihte, nang vang rual ka chhing ve ta.

Aw, ka di sakhmelmawite,
Ka va han duh tak che em;
Piang zawng zingah i tha chuang kim ngei,
Sel leh sawi tur pawh ka nei thlawt lo che,
A duh hian ka duh ngawih ngawih ber che.