Zoram ngaih hla (F Rokima)

Phuahtu: -
Satu:

Phuahtu: F Rokima
Satu: Lalsangzuali Sailo

Awmhar lunglen ni hian ka dawn vel thina,
Hmanlai ngaiin run ram rehah hian;
Chhawl ang ka uai a ni tlangrel dawn lo hian,
Ka fam tak leh, aw Zoram, nang ngaih vang.

Kawrvai lo lian an mawl vanga,
Rualduhte zawng sam ang thenin;
Eng tikah dar ang tawng i maw,
Ka nghakhlel em mai kei zawng thinlaiah.

Vangkhua leh lungduhte tawn ni awm ang maw,
Tu nun ngai lo renga kan lenna;
Ngaihlai a zual thin a, chhingkhuala chanin,
Tawnmang chang thuai se, aw, Zoram ngai chu.

A dam kan hauh ang a chung Pathian zarah,
Tawn leh ni chu a awm na ve ang;
Ka nghakhlel em kei zawng rualduhte nen a,
Dar ang tawn ni tur kan Zoram ngeia’n.