Lalpa krawsa i tuar natzia

Phuahtu: F.J Crosby Lettu: Rev. Taisena
Satu: -

Hla Thu (Lyrics)

Lalpa, krawsa i tuar natzia,
En turin ka lo kal;
I kraws tuarna lam chu panin,
Ni tin ka lo kal e.
‘Khaw nge ka Lalpa thihna chu,
Thlarau nunna tuikhur hlu chu,
Ka Chhandamtu thihna hmun chu,’
Tiin ka rawn pan e.

Chu chu khawngaihna hmun a ni,
A thisen avang khan;
Ka thlarau nunna chaw a ni,
I thisen hlu luang chu.
Rinna chauhvin ka hmu thei che,
Aw Isu, Nang min hmangaihtu,
Nangmahah ka inkhengbet ang,
Ka bo thin tawh loh nan.

Tawngtai ka beiseinain,
Aw Lalpa, ka lo kal;
Khawngaihna thuk i nih vangin,
Lalpa, ka pan ngam che.
Thawkrimte i chawlhtir dawn a,
I lawmna chan fo beiseiin;
I lallukhum chu khum turin,
Ka lo kal hnai zel e.

Kalvari tlang saw thlir teh u,
Thing anchhedawng saw;
Ka Lalpa chu an khai kang a,
Hehrawmin a khat vel.
“Ka Pa, ka Pa,” tiin a au,
“Engah nge min kalsan?” a ti;
Ka tan sawti kauvin a tuar,
A tan kan tuar ang em?