Ka thaikawi biahthu thawn tak loh
Hla Thu (Lyrics)
Phuahtu: Rpa Ralte
Satu: Rpa Ralte
Zing ni chhuak a lo eng, ti hian ka bia,
Di pawmlai i then ve em? kei ang reng hian;
Mahse, min chhang lo, min hnem thiam chuang lo,
Chutin kawlan min liam san leh e.
Zantiang lo herin chhawrthlapui ka bia,
Kei ang rairah hian an lo be ve thin che em?
Engtin nge i lo hnem ve thin ang i maw?
Zanin chu kei pawh min hnem ve rawh.
Laikhum zal, ka lukhamah mittui a luang,
Ka suangtuahna zawngte ka veng seng lo;
Ka nghilh thei lo, zan khua rei,
Tawnmang ramah len ka zuam lo,
Ka phoneah i sakhmel ka thlir nawn leh,
Ka thaikawi biahthu thawn tak loh nen.
Thawnthu lungchhiat thlak ang mai hi ka ni,
I sakhming pawh hianin min la ti na si;
Khuareian i la nghilh ve ang min ti,
Khuarei hi eng tianga rei nge ni?
Hei hi em ni hmangaihna luang ral chu?