Liam tawh mah la
Hla Thu (Lyrics)
Phuahtu: Siamte Renthlei
Satu: Ruati Liankhum
Tur nipui thlang tianah her liai in,
Zunleng zam chuan min fan zo ngei;
Tuar dan tawk ka thiam dawn nemaw,
Nang nghilh zai rel zawng a har ngei mai.
Rem leh thei hian maw i mawi si lo,
Tangdang belin liam tawh mahla;
Ngaihbanpar thliah zawng ka phal lo che,
Uai lo ten vul reng rawh lairilan.
Fam zun ngai iang lunglen chu maw,
Hnem zo reng awm lo a riang hi;
Thlehnem puan zawna hlimlai ni,
A cham reng i zun thinlaiah.
Hnahnem thing tin par vul leh in,
Mawiten romei zam kai chiai e;
Huiva len thiam tirh ka nuam e,
Ka hmangaih thu hlan tur che in.