Pialralah tal

Vangpui turni eng ruai hnuaian,
Nunhlui liam hnu ka dawn vel a;
Rairah riang hi ka riang hluan e,
Tuah loh di zunin min phuar si a.

Val zawng zingah rualtin khum zo,
Sakhmel kimtlang a mawi chuang e;
Ka tan hringnunah vul lo mahla,
Pialralah tal ka tan vul ve teh la.

Lunglam vaiin hringnun ka chhiar,
Enga’n dar ang ka lo tawn che;
I zun tui ang ka pal zo lo,
Thinlai hnimin nunhlui ka dawn.

Chul lo valmawi ka ngai em che,
I zun ai ang tapin ka phur;
Hetiang em a lung min dumtu,
Ka tawnah vul hian i mawi si lo.

Kumsul vawi tam a liam hnuin,
Khuanu ruat em dar ang kan tawn;
Suihlung mu hnu lo thar leh in,
Ka ngaih, ka vei ngai ka vei leh e.