Chhawrthlapui

Zankhua tlaiin nungcha zawng te’n,
An run an bel siang an lawina;
Chhawrthla erawh zal na’n riahrun chhamin,
Kaina van zawl a rawn bel e.

Chung mu iangin len thiam ila,
Aw, theih chang ve se;
Thlawkin ka leng ang thangvanah,
Theih tawka lungrualpui vein aw,
Theih tawka lungrualpui vein,
Ka hnem ngei ang, a lunglai chu.

Chun chawi loh hrai riangte ang a,
A lo seilenna run thang vang;
Mahte’n a nghak lumpuitu an awm lo,
A riang chuang ngei chhawrthla khi.

A sakhmelmawi ngui ri riai khi aw,
Fam zun ngaih nge, tuar har di zun vang;
Cho rual loh a doral a hlau em ni,
Zawt mah ila chhan zai a rel lo.