Lei piah lam ram
Hla Thu (Lyrics)
A khi thangvan sang chhum zinna piah lam atanga,
Piallei ram zau lei lung mawina ka han chuan ni chuanin;
Awi ka dawn ka hril thiam lo tang laian min kham lian a,
Mahse maw a rei lo em a vul lai ni a rei lo em.
He lei piah lam ram ni tlak ngai lohna,
Luipui luang ri rehnaah chatuan ram mawiah khianin;
Kan mi ngaih kal tate an kimna Jerusalem tharah,
Tah chuanin ka tan hmun a awm chutah thlen hlan ka nghakhkel em.
Tlang sang kham ram leh phaizawl luipui luang cham del te,
Chung tiang khua thiang van boruak mawina zung tin zam vel ten;
Min ngaih zualtir e he lei piah lama khawpui hlun tur,
Hei aia ram mawi zual ka nei chutah thlen hlan ka nghakhlel em.
Ka hringnun chhungah hlimna leh lawmna ka chan te,
Ka han bel chianga hmangaihna ka dawn zawng te nen hian;
An tham ral leh mai si maw hlun lo tura duan a ni,
Min ngaihtir e ka ram hlun tur chutah thlen hlan ka nghakhlel em.