Tawnthar di

Hun kha leh chen kha ka lo nghak che,
Tunah dar ang ka tawng ta che;
Saron pâr iangin i vul si a,
Sirah chuan min hnawl lul suh aw.

Lêngdangte chuan sum an hmachhuan a,
Kei zawng chhuan tur ka vai lua e;
Ka hmangaihna chauh lo chu bawihte,
Kei zawng ka nei ve lo pârte.

Mahse, kei zawng lung ka mawl em mai,
Tawnthar di, aw, i zûn ngaiin;
Tawh changin sawi tur ka vai leh si,
Aw, engtin lo ngai ve ang maw?

Theihchang se kan rûnlum nuthaian,
Fanau maltluan chawi za ila;
Chhin zawh rualloh i sakhmelmawiin,
Kumtluang kan rûn mawi ve teh la.