Thinlai luahtu

Phuahtu: Venpuia Khawlhring
Satu: F Zomuanpuia

Thinlai luahtu nang kher ka lo tawng che
Thinlaian ka vei reng thin che a;
Hmangaih biahthu kan hlan dun lai zawng te kha,
Nghilh thei reng hian ka mawi ve si lo.

Aw, min hnem la ariang tah khua sei tur,
Min dawn ve la i zun ngai a lungleng hi;
Nang ang reng hi pialleiah hian an piang leh tawh lo’ng e,
Suihlungrual tu dang ngai lo ten i leng dun ang.

Tin kim ka dawn lunglam ka lo vai e,
Mahriak mai a runriang nghak in;
Duhlengsam in laikhum thlehnem mahten ka bel a,
Tawngmang lamah tawn ka nuam che lungrun.

I chun leh zua dil ila rem ang maw?
Nang nen kumtluang run rem ve ang;
Hmangaih parmawi tlan dun ila fanau maltluan chawiin,
Kei ka duhaisam a kim ngei ang lungrun.