Ka hawi kir leh tawh lo’ng

Phuahtu: H Lalventluanga
Satu: MAMA Praise

Lei hringnun thlaler zinkawngah hian,
Ngui leh chau in aw, ka rum fo thin a;
Lei hrehawm chhuahsan chak a rum in,
Mahse, kei ka tan Lal remruat a lo ni si.

Aw, damna kim chu ka chang ve ta,
Kalvari tlang a damna chu;
Chutah  khenbeh, silfai ka ni,
Ka hawi kir leh tawh lo’ng khawvelah.

Lei ropuina leh mawina te umin,
Ka tlan vel thin aw, he khawvelah hian;
Lei hmangaihna par tlana lengin,
Ka thinlai hliamtu mai maw an chang leh thin.

Ka tum thin Lalpa i rawngbawl hi,
Mahse, harsatna ten min chim leh thin;
Setan doral hi min hneh sak rawh,
I tan a dingnghet turin min pui ang che.

Nunhlui sulhnu ka thlir chang in,
Misual bawlhhlawh mai maw ka ni Lalpa;
Mahse, Kalavari a au aw chuan,
Silfai i ni, ka ngaidam tawh che a ti.