Ka rei thei lo ve

Lal Isua ka neih phawt chuan, ka rethei lo ve,
Ka mamawh engkim a nei Lal Isua’n;
Nitin in aman min pe ka mamawh tinreng,
Engkimah ka tan rintlak a ni si.

Lal Isua ka neih phawt chuan ka rethei lo ve,
Englai pawhin ama’n min awmpui si;
Lal Isua ka neih phawt chuan ka rethei lo ve,
Lal Isua ka tan engkim a ni.

Lei hausakna, sum leh pai leh ropuina te,
Nei lo vin retheiin lang mah ila;
Lal Isua ka neih phawt chuan ka rethei lo ve,
Ka mamawh engkim a nei Lal Isua’n.

Lal Isua ka neih phawt chuan ka rethei lo ve,
Engkimah ka tan rintlak a ni si;
Ka thlarau tan nunna, ka taksa tan damna,
Engkimah ka tan engkim a ni si.