Hmangaih enchimloh

Phuahtu: C Dinthanga
Satu: Lalenkawli Pautu & C Lalzahngoa

Duhlai lenmawi ka thinlai khamtu i ni,
Tuanna tlang mahse rinawmin aw;
Kan tiamthu di zawngte kha vawng reng ila,
Runhmun kan lenni a her hma zawng.

Sawi tam tlangrel ka kai ta nang vang hian maw,
Runhmun lenni herchhuak ve thei silo;
I zun ngai reng reng hian maw lungrunpui,
Damchhung ni ka lo chhiar tak mai le.

Aw, rem ve se, runhmun len hi,
Fanau maltluan chawi dun ila;
Engdang ka ngai bik tawh lo’ng e i kiangah chuan,
Ka ngai ber che, ka duh ber che, aw hmangaih enchim loh.

Kei vang hian tlangrel leh sawi tam lo tuar la,
Tuantul hlen ni a kan hlim ni tur;
A herchhuak ang biak lai chung Pathian zarah,
Duhlai rinawmin lo awm phawt rawh.