Cham rih la
Hla Thu (Lyrics)
Chhingkhual lenmawi suihlung lawm kimna ber,
Vangkhua lo mawiin cham rih la;
Zingṭian tawnmang iangin chuai mai lo la,
Vul zel nang che, kumtluang atan.
Tleitir hmangaih annem biahthu di,
I tawnah ka hlan rinawmte’n vawng zel la;
Kan ṭuanna vangkhua hmun lo mah se,
Vawng zel nang che kumtluangin.
Vul lai par tlanin suihlung kan rual e,
Chhai thar leng zawng kan ngai bik lo’ng;
Nau ang kan hlimlai ni khuarei chang se,
Cham rih hram la tleitir lenmawi.
Kumpui sul ang lo inher liam zelin,
Ṭuanna tlangte lo dang mah se;
Lungchimtea kan tiam sa biahthu di,
Nghilh lo’ng che, aw, tleitir lenmawi.