Lodi (Mizo)

A ruk te hian, aw, ka vei reng thin che,
Mahse, i rem lo biahthu di hlan che;
Ka thinlai khamtu zaleng zawng zinga’n,
Nghilh reng i har ngei.

I sakhmelmawi thlir ninawm loh,
I bahsam leng chhawl ang uai hniang leh;
I nui hmelmawi, i pheichheh mawi hluan,
Lairila’n a cham hmangaih Lodi.

A ngur nun val reng iang ve ta lo chuan,
Rosum leh pai chhuan tur reng ka nei lo;
Mahse, ka thinlai lungrilah hian maw,
I cham reng si.

Ka chan loh tura duan ni mah la e,
Ka vei reng che, aw, tleitir hmeltha;
Par mawi tinreng paw’n a iang zo lo che,
Tha chungchuangi.