A na em mai

Phuahtu: -
Satu:

Phuahtu: Thartea
Satu: C. Zonunmawia (Mapuia), Ruth Z Fanai

Mahriak awmhar run ka nghah chang ni a,
Ka dawn thina ka di sakhmel sensiari kha;
Ka tlei zo si lo a zun ngai reng hianin,
Min han dawn ve maw a thinlai ril thianghlim duhawm khan,
Ka ngai bang thei lo, ka ngai vawng vawng si.

Aw, khawian nge i awm, ngaih lungrun?
A na chuang ngei e, i zunleng ngaih hi;
Ka phur zo lo, a na, a na em mai.

Chhingmitthlaa’n a cham reng si kan nuih dun lai,
Tudang ngai lova buan ang kan pawm lai nite;
Nghilh bik lul lo’ng che kumsul tam vei mahse,
Hmangaih luat vang nge, thinlai lungruk a phang thin ngei e,
Ka cho zawh loh val i pawm ka hlau leh thin.

Luaithli nul reng ka bang thei lo nang ngaih luat vangin,
Min dem lul suh, ka chun lungmawl, nau ang ka tah;
Ka ngai em a ni, ka di lung min hnemtu,
Min ngen/hlan sak zawk la i hraileng chawi duhaisam hi,
Ka thai chan ngena’n palai leng tir nang che.