A rem ve si lo

Aw, ka dawnin senhripari,
Ka hlimna ber ni mah la;
Run hmuna kan len dun hi,
A rem ve si lo.

Nitinin ka ngai zual che,
Hmangaihna ka hrethiam lo;
Run hmuna kan len dun hi,
A rem ve si lo.

Aw, enga’n ka lo tawn che, 
Ka tahna ti tam mai tur;
I lo ni e.

Romei zam a kai chiai e,
Lungdamna a awm si lo;
Siktui em ni luang dem dem,
Ka biangah hian.

Chunnu’n dam te’n min chawi lian a,
Hmangaihna ka hrethiam lo;
Lungngaihna mai lo ni e,
Kei ka tan hian.

Aw, enga’n ka lo tawn che, 
Ka tahna ti tam mai tur;
I lo ni e.


Lengdang tanglaiah bei ang che,
Mahse, kei zawng ka nghilh lo’ng che;
Fam dairial chan thleng pawhin,
Ka hmangaih ang che. (Fam damrial thlengin)

Pialral ram mawiah min nghak la,
Thuro iangin kawp tein;
Kan leng dun ve tawh ang a;
Hmangaihna ramah chuan.

Aw, enga’n ka lo tawn che, 
Ka tahna ti tam mai tur;
I lo ni e.