An chuai zo ta

Phuahtu: Vanlalhmangaiha
Satu: -

Hla Thu (Lyrics)

Hun hlu, ka tana hun hlu ber chu,
I tang nem a ka bei zan kha;
Hah dam na tinreng min pe a,
Mahse, an tham ral ta.

Ka hmangaihna, aw a tlawm vawng vawng
Ka tlin tawh lo hei bak chu
Min hrethiam rawh, na nawn leh atan zawng,
Ka thinlung hi a khauh tawk tawh lo.

Vau thla, hmangaihte inthen thla,
Aw, hun liam liam lul teh aw;
“Nui mawi, ka tan i chuai tawh si,” tiin,
I hniak hnung bawk ka chhui leh thin

Ka hmangaihna, aw a tlawm vawng vawng
Ka tlin tawh lo hei bak chu
Min hrethiam rawh, na nawn leh atan zawng,
Ka thinlung hi a khauh tawk tawh lo.

Chung sang siar leh chhawrthlapui,
Ka tan chuan hmelma an chang;
Ka tana hlu rimawi te pawh hian e,
Mawina an chhuah zo lo.

Ka hmangaihna, aw, a tlawm vawng vawng,
Ka tlin tawh lo hei bak chu;
Min hrethiam rawh, na nawn leh atan chuan,
Ka thinlung hi a khauh tawk tawh lo,
Na nawn leh atan zawng,
Ka thinlung hi a khauh tawk tawh lo.