An iang zo lo
Hla Thu (Lyrics)
Phuahtu: Asanga
Satu: Asanga Project ft. Ruth Tochhawng & Fawni Ralte
Ka tan ri mawi, ri mawi ber chu,
I hlim nui ri leh hmangaihna min hlanna aw kha;
Ka tan ri mawi ri dang zawng aia ri mawi a ni,
Ka tan a hlu, a hlu ber chu,
Lengdang zawng sirah hnawl a,
Hmangaihtu min thlang hi,
Thil dang zawng aiin, rohlu dang aiin a hlu ber e.
Hringmi anka hrilhfiah zawh sen rual loh,
Agape zawng iang lo mah se;
Hmangaihna nang leh keiin kan inhlan,
A hlu chungchuang bik ngei ka tan.
An iang lo ve ri mawi dang zawngte hian,
An hen lo ve, ri mawi dang zawngte hian;
I hlim nui ri leh hmangaihna min hlanna kamchhuak, a mawi ber e,
An iang lo ve, rohlu dang zawngte hian,
An hen lo ve, rohlu dang zawngte hian,
I ṭhatna, i mawina, i hlutna,
He thinlungah hian ziak ang a chiang.
Nui mawi zawng zinga mawi ber,
Mengmawi zawng zinga mawi ber;
Rohlu dang zawng zawng aia ka tan rohlu,
Ka tan engkim a huama, a tan engkim ka huam a,
Ti hian ka chawi mai nang’e ‘ka lei rohlu’,
Ti hian ka zai, ka lam anga,
Ka tan i mawi i hlu ber ti chung zelin;
Miten min sel ka dawn love,
Nang ngei ka tan ka kiangah i awm reng si.