An leng dial dial
Phuahtu: Lalsiamthara
Satu: R Lalbiaksanga
Awmkhawhar changin ka thlir thin – kan chatuan hmun tur khi,
Tah chuan an leng lungduh kalta te;
Lei hringnun reng hi ngai tawh lo vin,
Hlimin an leng chu ram mawi takah chuan.
Kei pawh chu ram chu thlen hlan ka nghakhlel mang e,
Chu hmun mawi takah chuan an leng dial dial;
Lei hringnun ngai lo vin kan then tak hmangaih lungduh te,
Lalnunnema kiangah an leng dial dial.
Kei pawh chu ram chu ka thlen ve hun chuanin,
Lei hrehawm ngai tawh lo vin Lalnunnem chu fakin;
Hlimin ka leng ang, lungngaihna ram hi,
Hnutiang chhawnin chatuanin ka leng a.
Ava nuam dawn em chu hmun lungduh zawng zawngte kimna,
Kan chatuan hmun mawi thlen hun tur chu;
Hlim leh lawmin kan intawk leh ang,
Leia kan then hmangaih lungduh te nen.