Annem Vala (A pawi em mai)

Ka dawn thin nunhlui zamual liam tawh hnu,
‘A pawi em mai’ ti hian ka dawn thin;
Lem ang der thiam val anka nem vangin,
Ka sakhming an sel e, leng zawng te’n.

A pawi em mai! A pawi em mai!
Biahthu di damte’n min hlan lai khan;
I thinlai lungruk si lo khan,
Engtin mi lo hlan thiam zawk mai le!

Tlang relthang pawh dawn zo lo khanin,
I hlim nan tiin ka inpumpek;
Mahse, i lairil reng ka lo dawn lo,
I tum suihlung min hersan mai hi.

Ka dem lo che, lem ang der thiam Vala,
Ka tling zo lo, i dawn lungruk hi;
Enga’n hmanah min lo hlan ni la e,
Nau ang ka tahkhua a sei lo tur.

Lem ang der thiam, annem mi u, mangtha,
Hun leh ni te ral zel thin mah se;
Sam ang i then hnu, riang i chantir hi,
Min nghilh bik suh aw, mangtha mai le.