Ar ang kan vai tawh lo’ng

Phuahtu: -
Satu:

Phuahtu: Rokunga

Aw, chhimhlei tual kan lenna tlang,
Lungduh thenna hmun hi;
Aw, eng tik nge ka chhuahsan ang,
Ar ang vaihna ram hi (2),
Aw, engtik nge ka chhuahsan ang,
Ar ang vaihna ram hi.

Thlangtlai liam hnu siar mah khian,
Vanzawl kawlkung a bel;
Kei erawh chhimhlei tualah hian,
Ar ang ka lo vai e (2),
Kei erawh chhimhlei tualah hian,
Ar ang ka lo vai e.

An hrilh hmangaih eng zamna chu,
Riangvai chawlhmun an ti;
Ka rauthla hi lawi ve ang maw,
Ar ang vai tawh lo vin (2),
Ka rauthla hi lawi ve ang maw,
Ar ang vai tawh lo vin.

Chhimhlei tualah riakmaw angin,
Riang te’n leng mah ila;
Chhawrpial run nuam kan thlen hunin,
Ar ang kan vai tawh lo’ng (2),
Chhawrpial run nuam kan thlen hunin,
Ar ang kan vai tawh lo’ng.