Aw ka chenna he khawvelah hian
Hla Thu (Lyrics)
Satu: Ramhlun Vengchung Kohhran Pavalai Pawl
Aw, ka chenna he khawvelah hian,
Muang taka ka lenlaiin;
I hmangaihna engin min hriattir,
Sual vanga thi tur ka lo ni.
Lawmna thuruk, van lawmna chu,
Khawvel mite hriat loh chu;
Kalvari thisen hlu zarah chuan,
Lawmna thuruk ka chhar ta e.
Hlim leh lawmnate ka zawng thin a,
Khawvel famkim lovah hian;
Hmangaihtu Lal hnen thlen hma hi zawng,
Lawmna tak tak a awm chuang lo.
A va mak em misual bo hnu hi,
Chatuan nun chang ngei turin;
Sual man hmutlak chauh ka lo ni a,
I hmangaihna ava mak em!
Nitin thlemna sualin min bawm reng,
Tidamtu ka ngai mang e;
Chakna leh theihna ka nei si lo,
Hnehtu Lal lian aw lo hnai rawh.