Belhfakawm Mizoram

Phuahtu: -
Satu:

Phuahtu: C Zirthanga (C Sailung)
Thluk siamtu: Chhana
Satu: Lalpanliani (Pantei)

Rambuai thimpui a zing a,
Tualchhung indona thleng ta si;
Him ten kan lenna vangkhawpui,
Ral khelmual a chang zo ta si,
Chengrang a au, thawng-bomb a puak,
Himna, muanna zawngin kan vai e.

Tiau lui kanin Zoram kan bel,
Zoram mipui ten “Chinlai unaute” tiin;
Khawngaih kutin min lo kuah,
Chenna tur buatsaihin,
Ei leh in, silhpuan chenin min pe,
Zoram par tlanin hlim te’n kan leng e.

Himna, muanna, aw Zoram,
Mimal, kohhran leh khawtlangin;
Zaleng nun zia a vul mawi e,
Tanpui ngaite min tanpuiin,
Dawi ang min dawn khualtha iangin,
Beltu zaleng kan vannei chuang e.

Ram zawng laiah Mizoram,
Lal sutpui ianga belhfakawm;
Khuanu ruat zalenna ram,
I tangah zaleng kan lawi ta e,
Kan tan himna kulhpui i ni,
Belhlai Zoram, vul la, vul reng rawh.