Beramno thianghlim
Phuahtu: -
Satu:
Phuahtu: Evan Rca
Satu: Lalnuntluangi (Nupuii)
Aw, kawngkhar mawi khi an hawn hunah,
Beramno thianghlim chu zaiin ka awi ve tawh ang a.
Zion ka ram hlun tur ka ngai zual thin mang e,
Rinna mitin nitin ka thlir bang thei lo;
Thlen hlan ka nghakhlel zual thin em a ni, aw,
Lalpa, i ram ropui lo thleng tawh mai se,
Aw, tunah hian lo eng tawh mai rawh,
He lei ram chhuahsan hun ka nghakhlel em e.
Halelui! Amen! Amen! Amen! Amen!
Kawngkhar mawi khi an hawn hunah;
Kawngkhar mawi khi an hawn hunah chuan,
Aw, hlim tawp lo vin ka leng ve tawh ang a,
Beramno thianghlim chu zaiin ka awi ve tawh ang a.
He lei hi zawng ka buaina ram mai a ni,
Lalpa, i hmangaihte kan dam thei lo ve;
Ka tahna mittui a hul thei lo ve, aw,
Keimah mai chuan ka nung zo dawn lo ve,
Hnemtu ngaiin ka rum vawng vawng thin,
Ka Lal ram khi ngaiin ka lo chau zo ta.
Ka rumna thlaler hi a lo ral hunah chuan,
Ka tahna ram reng hi ka ngai tawh ngai lo vang;
Beramno en vel ram mawiah chuan aw,
Hlim leh muang te’n ka chawl ve tawh ang a,
Lungngaih, mittui a hul ve tawh ang,
Hmangaihtu Lalnunnema kiangah chuan.
Ka Lal ram chuan ni reng a ngai tawh ngai lo vang,
Chhun leh zan reng reng hi a awm tawh ngai lo vang;
Beramno en vel ram a ni e, aw,
Ropuina en vel ram a ni e,
Tlantu hmangaihna eng zam vel chu,
Halelui! Amen! a ropui dawn mang e.