Broken authawm

An sawi fo thin, an rel fo thin,
Hmangaihtu ka tawng ve a;
Chhingmit meng mawi, aw, sakhmelmawi,
Ka duhaisam ngei i ni,
I tawngkam chauh pawh ka tan chuan,
Ka hlimna ber a ni thin,
I nui hmel mawi, aw, min muantu,
Ka khawvel i nih thin kha.

A rei lo em e, min hmangaihna,
“Kumtluangin,” tiin min tiam tawh kha,
Lalpa, min pui rawh,
Ka tawngtaina hi min ngaihthlak sak la,
Ka tuar thiam lo a na em e,
Ka thinlung hliam hi,
I hmangaihna chauh lo chu ka tan tahna mai a ni si, Lalpa,
Nangmah nen lo chuan nghilh zai ka rel thei lo,
Hma lam ka pan thei lo,
Engmah tih theih ka nei lo,
Tih theih ka nei lo.

Ni tin zan tin mahriaktein,
I sulhnu chhuin ka vai;
Hmangaih tu che, ka tang bel turin,
Kir zai rel lo’ng tih ka hria,
Hrehawm mahse i duhthlanna,
I hlimna a nih phawt chuan ka dem lo’ng che,
Ka duhsakna zawng i tan ka hlan ral ang.

A rei lo em e, min hmangaihna,
“Kumtluangin,” tiin min tiam tawh kha,
Lalpa, min pui rawh,
Ka tawngtaina hi min ngaihthlak sak la,
Ka tuar thiam lo a na em e,
Ka thinlung hliam hi,
I hmangaihna chauh lo chu ka tan tahna mai a ni si, Lalpa,
Nangmah nen lo chuan nghilh zai ka rel thei lo,
Hma lam ka pan thei lo,
Engmah tih theih ka nei lo,
Tih theih ka nei lo.

Kristian naupang fel tak ni thin kha,
Ka han tleirawl tak chinah chuan,
Ka mit hmuh leh ka beng hriat te chuan min hip,
Sunday tuk tin biak in pan thin kha,
Khawvel sualnain ni telin min hneh,
Kristian nun zawi zawiin ka hlip,
Khawvel nawmna par tlanin ka duhdanin ka zawh ka kawng,
Khawiah nge hlimna chu ka tawng dah lo’ng maw tiin ka zawng,
Ngaihzawnga bul tanin ka dap kual a,
Hmangaih pawh ka tawng,
Eng nge ka hmabak tih reng dawn lo vin ka duh lam ka pan,
Rual uma rual pawl loh hlauvin thiante tih ang zel ka ban,
Mi fate pawn an ti a lawm tiin mahni thiam ka inchan,
Chin tawk awm lo vin ka luhchilh,
Tunah beidawnna ka tawng,
“Ngatinge? Tu vang nge?” tiin puhmawh tur ka zawng,
Fel intihtawhna sualin thinlungah min bei a,
Mi te chunga vui leh dem duhna thinlungin min nei a,
Chhandamna changa inchhalin thlamuanna ka nei lo va,
A ram leh a felna zawng lo vin a chhanna ka buaipui,
Malsawmtu tu nge tih hre lo vin malsawm kan dawn te kan uanpui,
Kan kal thui, tunah a pawi thui,
Ka ka chuan ka fak a, ka thinlungin a hlat a,
Ka cheziain a phat a, that chaknain ka khat a,
Thinlung hliam beidawng, mangang leh lungngaiin tunah ka rum,
Lalpa, i tanpuina dil chungin i hmaah ka rawn kun,
Samson ianga inlamlet hi min lo pawm rawh aw, i fa,
Ka tawngtaina hi khawngaihin min chhang rawh aw, Lalpa.

Lalpa, min pui rawh,
Ka tawngtaina hi min ngaihthlak sak la,
Ka tuar thiam lo a na em e,
Ka thinlung hliam hi,
I hmangaihna chauh lo chu ka tan tahna mai a ni si, Lalpa,
Nangmah nen lo chuan nghilh zai ka rel thei lo,
Hma lam ka pan thei lo,
Engmah tih theih ka nei lo,
Tih theih ka nei lo.

Hringmi hmangaihna zawng a danglam thei,
Danglam ve lo hmangaihtu Isua ka nei,
Ka rawn pan che Lalpa, ka phurrit zawng te nen.

Lalpa, min pui rawh,
Ka tawngtaina hi min ngaihthlak sak la,
Ka tuar thiam lo a na em e,
Ka thinlung hliam hi,
Lalpa, min pui rawh,
Ka tawngtaina hi min ngaihthlak sak la,
Ka tuar thiam lo a na em e,
Ka thinlung hliam hi,
I hmangaihna chauh lo chu ka tan tahna mai a ni si, Lalpa,
Nangmah nen lo chuan nghilh zai ka rel thei lo,
Hma lam ka pan thei lo,
Engmah tih theih ka nei lo,
Tih theih ka nei lo,
Tih theih ka nei lo.